काठमाडौँ आषाढ २३, अख्तियार दुरूपयोग अनुसन्धान आयोगले पेट्रोलियम पदार्थको हानी नोक्सानी कार्यमा सङ्लग्न भएको भन्दै नेपाल आयल निगमको भलबारी डिपोका क्षेत्रीय प्रबन्धकसहितका अधिकारीलाई हिरासतमा लिएको छ ।
आयोगले आज जारी गरेको विज्ञप्तिकामा उल्लेख गरे अनुसार कर्मचारीको मिलेमतोमा डिपोमा पेट्रोलियम पदार्थ ल्याउँदा हानी नोक्सानी पु¥याएको भन्दै निगमको पश्चिमाञ्चल क्षेत्रीय कार्यालयका क्षेत्रीय प्रबन्धक नागेन्द्रकुमार कुर्मी, प्रबन्धक दिपेन्द्र बस्नेत र सहायक प्रबन्धक रविनकुमार राउतलाई नियन्त्रणमा लिइएको जनाएको छ ।
यसैबीच आयोगले काभ्रेपलान्चोक बनेपा नगरपालिकाका एक सेवाग्राहीसँग सम्पत्ति मूल्याङ्कन गर्दा घुस लिएको आरोपमा पक्राउ परेका गालफेदी गाविसका सचिव तेजराज अर्यालविरुद्ध आज विशेष अदालतमा मुद्दा दायर गरेको छ ।
सचिव अर्यालले राजस्व नतिरीकन कागजात मिलाइदिन्छु भनी सेवाग्राहीबाट रु १५ हजार घुस लिदै गर्दा गर्दा गत आषाढ ११ गते रङ्गेहात पक्राउ गरेको थियो ।
