काठमाडौँ आषाढ ५, संसदीय अध्ययन तथा सुझाव समितिको सुझावलाइ कार्यान्वयन गर्दै नेपाल आयल निगमले पेट्रोलियम पदार्थको ढुवानी तथा वितरणलाई पारदर्शी बनाउने प्रतिबद्धता व्यक्त गरेको छ ।
निगमद्वारा आज आयोजित पत्रकार सम्मेलनमा पेट्रोलियम पदार्थको सहज आपूर्ति र उपभोक्ता मैत्री वितरण प्रणाली लागू गर्ने, प्रशासनिक तथा प्राविधिक सुधार गर्ने र निगमको घाटा कम गर्न स्वचालित मूल्य प्रणालीमा जाने प्रतिबद्धता व्यक्त गर्दै कार्यकारी निर्देशक डा चण्डिकाप्रसाद भट्टले समितिको सुझावलाई कार्यान्वयन गर्ने विधि तथा प्रक्रिया तयारी भइरहेको बताउँनु भएको हो ।
त्यस्तै पत्रकार सम्मेलनमा निगम निरन्तर घाटाको अवस्थामा सञ्चालन भइरहेको र हालसम्म रु ३६ अर्ब ६६ करोड १० लाख ऋण दायित्व वहन गरिरहेको छ । निगमले हाल एलपिजी ग्यासमा प्रतिसिलिन्डर रु ५५९.७३ व्यहोर्दै आएको र पेट्रोल, डिजेल, मट्टितेल तथा हवाई इन्धनमा भने नाफा गर्दै आएको जनाएको छ ।