काठमाडौँ आषाढ ३, नेपाल पत्रकार महासङ्घले काठमाडौँ महानगरपालिकाद्वारा सञ्चालित मेट्रो एफएम ९४.६ मेगाहर्जमा कार्यरत श्रमजीवी 
पत्रकारलाई तत्काल श्रमजीवी पत्रकार ऐनअनुसारको सुविधा उपलब्ध गराई स्थायी गर्न आग्रह गरेको छ ।
महासङ्घद्वारा आज जारी विज्ञप्तिमा मेट्रो एफएममा कार्यरत २२ श्रमजीवी पत्रकारलाई स्थापनाकाल (१२ वर्ष)देखि हालसम्म करारमा काम गराइरहेकाले तत्काल ऐनअनुसारको सुविधा उपलब्ध गराई स्थायी गर्न सम्बन्धित निकायसमक्ष आग्रह गरिएको छ । महासङ्घका महासचिव उजिर मगरले श्रमजीवी पत्रकारको श्रमलाई अवमूल्यन गर्ने गरी ऐन कार्यान्वयन नगरिए त्यसबाट उत्पन्न हुने घटनाक्रमको जिम्मेवार सम्बन्धित निकाय हुनुपर्ने जनाउनुभएको छ ।
