काठमाडौं आषाढ १२, नेपाली काँग्रेसको आज प्रधानमन्त्री निवास बालुवाटारमा बसेको पदाधिकारी बैठकले हाल अमेरिकामा स्वास्थोपचारमा रहनुभएका पार्टी सभापति एवम् प्रधानमन्त्री सुशील कोइरालाको स्वास्थ्यलाभको कामना गरेको छ ।
बैठकमा उपसभापति रामचन्द्र पौडेलले प्रधानमन्त्री कोइराला र उहाँका निजी चिकित्सक डा। करवीरनाथ योगीसँग आज बिहान भएको टेलिफोन सम्बाद र उहाँको स्वास्थ्य स्थितिकोबारेमा अवगत गराउनुभएको थियो ।
प्रधानमन्त्री कोइराला स्वास्थ्योपचारका लागि यही असार २ गते अमेरिका प्रस्थान गर्नु भएको थियो । उहाँको अमेरिकाको न्यूयोर्कस्थित मेमोरियल स्लोन केटरिङ क्यान्सर सेन्टरमा नियमित स्वास्थ्य परीक्षण हुँदैआएको छ ।