सहमति भएमा अध्यक्ष बन्न तयार छु: खनाल
काठमाडौ आषाढ १६, नेकपा एमालेको नवौं राष्ट्रिय महाधिवेशनको तयारीबारे जानकारी दिन आज केन्द्रीय कार्यालयमा प्रचार प्रसार उपसमितिले आयोजना गरेको पत्रकार सम्मेलनमा बोल्दै पार्टी अध्यक्ष झलनाथ खनालले आफ्नो समर्थन सुदृढ, एकतावद्ध एमाले बनाउने शक्तिलाई हुनेछ भन्दै 
आफू उम्मेदवार नबन्ने र सहमति भएमा अध्यक्ष बन्न तयार रहेको बताउँनु भएको छ ।
पत्रकार सम्मेलनमा संसदीय दलको बैठकका कारण नेता ओली वाहेक वरिष्ठ नेता माधव नेपाल, उपाध्यक्ष वामदेव गौतम, महासचिव ईश्वर पोखरेल, सचिव शङ्कर पोखरेलगायतका नेताहरुको उपस्थिती रहेको थियो ।
त्यस्तै सम्मेलनमा आसन्न नवौं राष्ट्रिय महाधिवेशनका लागि राष्टव्यपीरुपमा निम्नानुसारको मेची–११९, कोसी–१४८, सगरमाथा–८८, जनकपुर–८९, नारायणी– १४१, बागमती–१३२, उपत्यका–१०८, गण्डकी–१२७, लुम्बिनी–१८९, धौलागिरी–४८, राप्ती– ७४, भेरी–१२०, कर्णाली–५३, सेती–१०३, महाकाली–६१, केन्द्रीय कार्यालय र विभाग–२३, भारत प्रवास–३४, जनसङ्गठन–२०२, सम्पर्क विशेष–३४, अञ्चल समन्वय कमिटी–१७, प्रवास ९भारतबाहेक०–२४ जन सहित दुई हजार दुईसय १४ प्रतिनिधि निर्वाचित भएको र यसमा त्यसैगरी ५ प्रतिशत १ सय ११ मनोनित गरी कुल २ हजार ३ सय २५ जना भएको मूल व्यवस्थापन समितिका संयोजक महासचिव इश्वर पोखरेलले जारी गरेको बिज्ञप्तिमा उल्लेख छ ।
