काठमाडौँ ज्येष्ठ १९, काठमाडौं विधानसभा सभासद् रामेश्वर फुयाँलले काठमाडौँ उपत्यका चारभन्ज्याङ बाहिरको पाँच/पाँच किमि वृत्तसम्म उपत्यकाको भूगोल कायम गर्न उपप्रधानमन्त्री प्रकाशमान सिंहलाई सुझाव दिनुभएको छ । आइतवार सभासद् फुयाँलले उपप्रधानमन्त्री सिंहको कार्यकक्षमा पुगी सिङ्गो उपत्यकालाई एउटै राजनीतिक एकाइ कायम गरी ‘राजधानी उपत्यका महानगरपालिका’ गठन तथा प्रत्यक्ष निर्वाचनमा एक प्रमुख, तीन उपप्रमुख(एक महिलासहित), महिला एक वडाअध्यक्ष, एक महिला उपाध्यक्षसहित तीन उपाध्यक्ष र सात सदस्य व्यवस्था गर्न सुझाव दिनुभएको बुझिएको छ ।
त्यस्तै सभासद् फुयाँलले २१औँ शताब्दीको उपत्यकामा लाई पूर्वजले निर्माण गरेका पुरातात्विक र सांस्कृतिक धरोहरको संरक्षण गर्न खाँचो छ भन्दै अबको उपत्यका निर्माण तथा विस्तार आउँदो २०० वर्षको दृष्टिकोण बोकेर गर्नुपर्नेमा जोड भएको थाह भएको छ ।