काठमाडौँ आषाढ ६, संविधानसभा सदस्यको उपनिर्वाचन हुने निर्वाचन क्षेत्रहरु क्रमस काठमाडौं २, चितवन ४, बर्दिया १ र कैलालीको निर्वाचन क्षेत्र 
नम्बर ६ मा आजबाट मौन अवधि सुरु भएको छ । आईतवार हुँने निर्वाचनको लागि गएराती १२ बजेदेखि मौन अवधि शुरु भएपछि ती निर्वाचन क्षेत्रहरुमा राजनीतिक दल तथा उम्मेदवारहरुले प्रचारप्रसार गर्न पाउँदैनन् ।
चुनाव प्रचारप्रसार गरेको पाइए कारबाही गरिने निर्वाचन आयोगले जनाएको छ । चुनावका लागि सरकारले ती क्षेत्रमा सार्वजनिक विदासमेत दिएको छ । निर्वाचनका लागि निर्वाचन आयोगले सबै तयारी पुरा गरिसकेको छ । यसपटक चारवटै क्षेत्रमा विद्युतीय मेसिनबाट मतदान हुनेछ ।
