काठमाडैं ज्येष्ठ ३१, बिपी चिन्तन प्रतिष्ठानले राजधानीमा आज आयोजना गरेको ‘प्रजातान्त्रिक समाजवादको भविष्य’ विषयक अन्तर्राष्ट्रिय 
सम्मेलनमा सहभागी हुन नेपाल भ्रमणमा आउनु भएका म्यान्मारकी प्रजातन्त्रवादी नेत्री आङसाङ सुकीले आज संविधानसभामा सभासद्हरुमाझ विशेष सम्बोधन गर्नुहुने भएको छ ।
प्राप्त समाचार अनुसार सम्वोधनको क्रममा नेत्री सुकीले नेपाल म्यानमारको सम्बन्ध, नेपालको प्रजातन्त्रका विषयमा भनाई राख्नुहुने बुझिएको छ। त्यस्तै प्राप्त समाचारमा उल्लेख भएअनुसार उहाँले अहिले केहिबेरमा राष्ट्रपति डा रामवरण यादवसँग भेटवार्ता गर्नुहुने र आजै संविधानसभाका अध्यक्ष सुवासचन्द्र नेम्वाङसँग पनि भेटवार्ता गर्ने कार्यक्रम तय भएको संसद सचिवालयलाई उदृत गर्दै प्राप्त समाचारमा जनाईएको छ ।
