दुईहप्ते सेवाकालीन श्रमजीवी पत्रकार तालिम सम्पन्न

काठमाडौँ ज्येष्ठ २५, सूचना विभागद्धारा आयोजित आमसञ्चारमाध्यममा कार्यरत श्रमजीवी पत्रकारहरूका लागि दुईहप्ते सेवाकालीन तालिम आज सम्पन्न भएको छ । तालिम समापनका अवसरमा सूचना तथा सञ्चार सचिव सुमनप्रसाद शर्माले तालिमले श्रमजीवी पत्रकारलाई काम गर्नका सहयोग पु-याउने बताउनुभयो । त्यस्तै गरि विभागका महानिर्देशक लक्ष्मीविलास कोइरालाले गत वर्षदेखि उच्चस्तरका पत्रकारिता तालिमको सुरुआत गरिएको जानकारी दिँदै आगामी वर्षमा अझ प्रभावकारी खालको तालिम सञ्चालन गरिने बताउनुभयो ।  पत्रकार सुरेश आचार्य, हस्त गुरुङ डा महेन्द्र विष्ट, पुष्कर माथेमा, कुन्दन अर्याल र हरिकला अधिकारी प्रशिक्षक रहनुभएको तालिममा विभिन्न सञ्चारमाध्यममा काम गर्ने ३३ पत्रकार सहभागी थिए ।