काठमाडौं ज्येष्ठ २, युवा तथा खेलकुद मन्त्री पुरुषोत्तम पौडेलले राष्ट्रिय खेलकुद परिषदका सदस्य सचिव युवाराज लामालाई बर्खास्त गरेका छन् । लामासँगै अन्य पाँचजनालाई पनि बर्खास्त गरिएको बताइएको छ । २०६६ सालमा सदस्य सचिव नियुक्त भएका हरिबाबु चौधरीले आफ्नो चार बर्षे कार्यकाल पुरा नहुँदै २ वर्षमै २०६८ साल जेठमा राजिनामा दिएका थिए । त्यसपछि बनेको सरकारले युवाराज लामालाई सदस्य सचिव बनाएको थियो ।
नयाँ सदस्य सचिव नियुक्त नहुन्जेलका लागि भने त्यसको जिम्मेवारी निर्वाह गर्न युवा तथा खेलकुद मन्त्रालयका सहसचिव चुणामणि पौडेललाई तोकिएको मन्त्रालय स्रोतलाई उदृत गर्दै प्राप्त समाचारमा उल्लेख गरिएको छ ।
यसैबीच,सरकारको बर्खास्तगीमा परेका लामाले आफु यसको विरुद्धमा अदालत जाने संकेत गरेका छन् ।सरकारको बर्खास्तसँगै आफ्नो फेसबुक स्ट्याटस लेख्दै अदालत जाने संकेत गरेका हुन् । उनले गिताको उक्ति जे हुन्छ राम्रैको लागि हुन्छभन्ने उक्ति उल्लेख गर्दै फेसबुक स्ट्याटसमा लेखेका छन् ‘ सर्बोच्च अदालतको चैत १७, २०६८को फुल बेन्चको फैसला,तत्कालिन सदस्यसचिब रुकुम सम्सेरको फैसला र उपाध्यक्षा पिताम्बर तिमील्सिना को स्टे अडर नजिर हुँदा हुँदै पनि सरकाले हठपूर्वक गैर कानुनी निर्णय गरेको उल्लेख गरेका छन ।