काठमाडौं बैशाख २९, मंगलवार बस्ने बस्ने संविधानसभाको बैठक प्रयोजनार्थ आवश्यक कार्य सूचीका विषयमा छलफल गर्न कार्यव्यवस्था परामर्श समितिको बैठक बस्दैछ । आजको बैठकले संविधानसभामा पेश गर्ने सूचीका विषयमा छलफल गर्ने नितिगत योजना तय गरेको बुझिएको छ। त्यस्तै संविधानसभाको संविधान मस्यौदा समितिको बैठक पनि आजै बस्दैछ । दिउँसो बोलाइएको बैठकमा संविधान निर्माणका विषयमा विज्ञहरुसँग छलफल गरिनेछ । बैठक दिउँसो १ बजे बस्ने कार्यक्रम रहेको संसद सचिवालयले जनाएको छ ।
यसअघि शुक्रवार बसेको बैठकमा समितिले संवैधानिक कानुनका ज्ञाता डा. भीमार्जुन आचार्य लगायतका व्यक्तिसंग छलफल भएको थियो । संविधानको मस्यौदा लेख्ने जिम्मेवारी पाएको समितिले संविधानसभाले सहमति भएका विषय समितिका उपलब्ध नगराएका कारण काम पाउन भने सकेको छैन् ।
यसैबीच व्यवस्थापिका संसद अन्र्तगतको विधान समितिको बैठक पनि आज ११ बजे बस्ने कार्यक्रम छ । बैठकमा आफ्नो कार्यक्षेत्रबारे छलफल हुने समितिका एक सदस्यले जानकारी दिनुभयो । आजै सार्वजनिक लेखा समितिको बैठक बस्ने कार्यक्रम रहेको संसद सचिवालयले जनाएको छ ।