काठमाडौँ बैशाख २१, आज बिहान प्रकाशित निर्वाचन कार्यतालिकाअनुसार समयमै हुन नसकेको नेपाल पत्रकार महासङ्घको २४ औँ महाधिवेशनको 
निर्वाचन कार्यक्रम साँझ ८ बजे बाट सुरु भएको निर्वाचन अहिले पनि जारी रहेको छ । यस अघि निर्वाचन समितिद्वारा प्रकाशित कार्यतालिकाअनुसार दिउँसो १३:३० बजे हुने भनिएको निर्वाचन कार्यक्रम मतपत्रको तयारी नपुगेको भन्दै पटकपटक सूचना टाँस गरी सारिएको थियो ।
देशभरिका महासङ्घका पार्षद्हरू मतदान गर्न लामो समयसम्म लाइनमा बसेपनि निर्वाचन समितिले मतपत्रको तयारी हुन नसकेको भन्दै निर्वाचन कार्यक्रम ढिलो गरी सुरु भएको बताएको छ । महासङ्घको महाधिवेशनमा देशभरका करिब एक हजार ६५१ पार्षद् सहभागी छन् । त्यस्तै ४३ पदका लागि ११० उम्मेद्वार चुनावी प्रतिस्पर्धामा रहेका छन् ।
