काठमाडौँ वैशाख २७, सहकालका देवता मच्छिन्द्रनाथको रथ आज लगनखेलमा ल्याइपु- याएपछि त्यस क्षेत्रमा रातो मच्छिन्द्रनाथको पूजा अर्चना गर्न 
भक्तजनको ठूलो भीड लागिरहेको छ । आज लगनखेल क्षेत्रमा भक्तपुरसहित राजधानीका विभिन्न भागबाट आएका भक्तजनको राति अबेरसम्म पनि पूजा गर्न भीड कायमनै थियो ।
मच्छिन्द्रनाथलाई बत्ती चढाएमा परिवारको सुख र समृद्धि हुनका साथै अन्नले भरिपूर्ण हुने धार्मिक विश्वास सहित बौद्ध धर्मावलम्बीहरुले मच्छिन्द्रनाथलाई पद्यपाणी लोकेश्वर तथा करुणामयको रुपमा पनि पुज्ने गर्दछन् । मच्छिन्द्रनाथको रथको चार पाङ्ग्रामा चार भैरवले वास गरेको जनविश्वास अनुसार ती भैरवमा आजै बली पूजा पनि गरिएको थियो ।
