नेपालको प्रतिपरिवार उपभोग खर्च करिब रु दुई लाख चार हजार

वार्षिक घरपरिवार सर्वेक्षण सार्वजनिक
काठमाडौँ ज्येष्ठ ४, नेपालको प्रतिपरिवार वार्षिक उपभोग औषत खर्च रु दुई लाख चार हजार ८५३ रहेको छ । तथ्याङ्क विभागले आज सार्वजनिक Tathyanka-bibhagगरेको वार्षिक घरपरिवार सर्वेक्षण २०६९/७० अनुसार ग्रामीण क्षेत्रमा बसोवास गर्ने परिवारको वार्षिक उपभोग खर्च रु एक लाख ७३ हजार २१५ र सहरी क्षेत्रको प्रतिपरिवार खर्च रु तीन लाख ४० हजार ६०७ पुगेको छ । विभागले दैवी छनोट विधिद्वारा नेपालको ग्रामीण क्षेत्र र सहरी क्षेत्रका सय/सय वडाका तीन हजार घरपरिवारमा गरिएको सर्वेक्षणको आधारमा सो तथ्याङ्क सार्वजनिक गरेको हो ।

नेपालीले आफ्नो कुल पारिवारिक उपभोगको ५९ दशमलव २ प्रतिशत खानामा, ११ दशमलव ६ प्रतिशत आवासमा, ३ प्रतिशत शिक्षामा र २६ दशमलव २ प्रतिशत गैरखाद्य वस्तु तथा सेवामा खर्च गर्ने गरेको अनुमान छ । सर्वेक्षणअनुसार एक जना नेपालीको प्रतिव्यक्ति वार्षिक उपभोग खर्च करिब रु ४४ हजार ५९६ रहेको छ ।

जसमा सबैभन्दा धनी २० प्रतिशत जनसङ्ख्याको प्रतिव्यक्ति वार्षिक उपभोग खर्च रु एक लाख दुई हजार ३२७ पुगेको छ । त्यस्तै सबैभन्दा बढी गरिब २० प्रतिशत जनसङ्ख्याको प्रतिव्यक्ति वार्षिक उपभोग खर्च रु १७ हजार २२ रहेको छ । सबैभन्दा धनी २० प्रतिशत जनसङ्ख्याले कुल उपभोगको ४५ दशमलव ८ प्रतिशत हिस्सा ओगटेका छन् भने सबैभन्दा गरिब २० प्रतिशत जनसङ्ख्याले कुल उपभोगको अंश ७ दशमलव ६ प्रतिशत रहेको छ ।rss

NTA

नेपालको सवैभन्दा पुरानो सुपर मार्केट

विशाल बजार कम्पनी लि.
शुक्रपथ, काठमाडौं, नेपाल

फोन: ०१४ २२८ ३४२, ०१४ २४२ १८५, ०१४ २२२ ४२३
Email: info@bishalbazar.com.np

खबरका दस्तावेजहरु