पोलिटब्युरो सदस्य चयनका लागि आज हुने भनिएको निर्वाचन आईतबार सम्मका लागी स्थगित
काठमाडौं ज्येष्ठ १०, एमाओवादीले आगामी अषाढ ८ गते हुने संविधानसभा सदस्यको उपनिर्वाचनका लागि उम्मेद्धवारको नाम टुङ्गो लगाएको छ ।
आज बसेको केन्द्रीय समितिको बैठकले काठमाडौ क्षेत्र नम्बर २ बाट लिलामणी पोखरेल र चितवन क्षेत्र नं ४ बाट खुशीराम पाख्रिनलाई उमेदवार वनाउने निर्णय गरेको छ । त्यसैगरी बर्दिया क्षेत्र नं। १ बाट भुवन चौधरी र कैलाली ६ बाट रामसमज रानालाई उम्मेद्धवार बनाउने निर्णय गरेको प्रवक्ता दीनानाथ शर्माले जानकारी दिनु भयो ।
यसैवीच एमाओवादीको पदाधिकारी, स्थायी समिति र पोलिटब्युरो सदस्य चयनका लागि आज हुने भनिएको निर्वाचन आईतबारसम्मकालागी स्थगित भएको छ ।पार्टी मुख्यालय पेरिसडाँडामा बसेको बैठकले निर्वाचन आईतबार साढे १२ बजे केन्द्रीय कार्यालयमा गर्ने निर्णय गरेको बुझिएको छ ।
