काठमाडौ चैत २४, नेपाली काँग्रेसको पदाधिकारी बैठकले सत्य निरूपण तथा मेलमिलाप आयोग र व्यक्ति बेपत्ता पार्ने कसुर र सजाय विधेयकमाथि छलफल गरी हालसम्म भएका सहमति र विधिसम्मत रुपमा ल्याउनुपर्ने निष्कर्ष निकालेको छ । दुवै विधेयक विगतको बाह्रबुँदे सम्झौता, विस्तृत शान्ति सम्झौता, नेपालको अन्तरिम संविधान, २०६३ र विधेयक निर्माणका सम्बन्धमा सर्वोच्च अदालतले दिएको निर्देशनबमोजिम ल्याउनुपर्ने विषयमा बैठकको एक मत रहेको प्रधानमन्त्री निवास बालुवाटारमा आज बसेको बैठकका सहभागी सहमहामन्त्री पूर्णबहादुर खड्काले बताउनुभयो ।
यसअघि सरकारले बनाएको विधेयक मस्यौदा समितिप्रति एकीकृत नेकपामाओवादीले असहमति जनाएपछि विधेयकमा सहमति गर्न राजनीतिक दलका प्रतिनिधि रहने गरी कार्यदल बनाउनेबारे तीन दलबीच सहमति भएको थियो ।