ललितपुर बैशाख १४, आन्तरिक पर्यटन प्रवद्र्धन र सांस्कृतिक विकासको माध्यमबाट आर्थिक विकास गर्ने उद्देश्य सहित कुमारीपाटी–जावलाखेलपरिसरमा गत शुक्रबार र शनिवार आयोजित कुमारीपाटी जावलाखेल महोत्सवको क्रममा व्यापार व्यवसायको प्रवद्र्धनको अलावा त्यस क्षेत्रमा रहेका धार्मिक सांस्कृतिक सम्पदाको संरक्षणार्थ विशेष कदम अगाडि बढाईएको छ।
दुई दिनसम्म सञ्चालनमा रहेको उक्त महोत्सवमा स्थानीय ब्यापारी, स्थानीयबासी, स्थानीय कलेज लगायतको सहभागिता रहेको थियो । महोत्सवकै अवसरमा पाटनकी जिवित देवी कुमारीलाई समेत कुमारीपाटी मन्दिरमा राखिएको थियो । त्यस्तै महोत्सवमा ब्यापारिक स्टलसँगै खानाको स्टल, फेसन सो, बाइक स्टन्ट, स्थानीय र चर्चित कलाकारको प्रस्तुति लगायतका बिशेषता रहेको थियो ।