भक्तपुर चैत्र ३०, भक्तपुरमा आठ रात नौ दिन सम्म मनाइने एतिहासिक एवम् मौलिक बिस्केट जात्राको चौथो दिन आइतबार साँझ भेलुखेलमा उभ्याउँदै गरेको 
लिंगो भाँचिएको छ । गःहिटीमा राखिएको भैरवको रथलाई भेलुखेलमा पुर्याएपछि लिंगो उठाउन सुरु गरेको थियो । ५५ हात लामो लिंगोलाई भक्तपुर नगरपालिका स्थित भेलुखेलमा तान्त्रिक विधिपूर्वक दसकर्म विधान गरी नयाँ वर्षको अघिल्लो दिन ठड्याउने परम्परा छ । लिंगोमा ३४ हात लामा दुईवटा विश्वध्वजा र आठ वटा डोरी बाँधिन्छ । लिंगो उभ्याउनुअघि भैरव देवता मानेर विश्व ध्वजासहित विधिपूर्वक पूजा गरिएको थियो ।
अष्टमात्रिकाको प्रतीक मानिने लिंगो भैरव र भद्रकाली रथ भेलुखेल घुमाएपछि पाँचौं दिन बिहीबार विधिवत ढाल्ने गरिन्छ । तर, पहिलो लिंगो भाचिएपछि अर्को लिंगो ठडयाउने तयारी भइरहेको प्रहरीले जनाएको छ ।
