सिरहा चैत २१ ,सिरहाको उत्तरवर्ती गाविस विष्णुपुरकट्टी–३ रैनी खोलास्थित जङ्गलको ओडारमा लुकाइराखेको ६५० किलोग्राम लागुऔषध गाँजा सशस्त्र 
प्रहरीले बरामद गरेको छ । विशेष सुराकीका आधारमा सशस्त्र प्रहरी बेसक्याम्प गोलबजारका प्रहरी निरीक्षक लीलाबहादुर कार्कीको नेतृत्वमा गएको टोलीले आज बिहान ३ बजे उक्त गाँजा बरामद गरेको हो ।
प्रहरी निरीक्षक कार्कीका अनुसार तस्करहरूले प्लास्टिकको पोका बनाएर गाँजा भारत लग्ने तयारी पारिएको अवस्थामा बरामद गरिएको हो । गाँजा उदयपुरबाट ल्याई उक्त जङ्गलको ओडारमा राखेको प्रहरीको अनुमान छ ।
