जाजरकोट वैशाख ३, जाजरकोटको खलङ्गा–पाँचकटिया सडकखण्डको तातोपानीमा जिप दुर्घटना हँुदा दुईको घटनास्थलमै मृत्यु भएको छ । भे१ज ६०४ को जिप दुर्घटनामा परी सात घाइते भएका छन् । घाइतेमध्ये तीनको अवस्था गम्भीर छ । दुर्घटनामा ढिमे– ४ का २१ वर्षीय रामराजा सिंह र खलङ्गा– ७ का ५० वर्षीय दण्डवीर ओलीको मृत्यु भएको हो ।
जिपमा सवार ढिमे– ८ की ४२ वर्षीय अनारकली रोकाय, उनको १० र सात वर्षीय छोरा लोकन्द्र रोकाय र किरण रोकाय गम्भीर घाइते छन् । ट्रयाक मात्रै खोलिएको सडकमा एक महिनादेखि जिप सञ्चालन हुन थालेको हो । उकालोमा जिप नचढेपछि चालक ओर्लिएर चक्कामा ओत हाल्न खोज्दा जिप पछाडि गुडेर सडकबाट १०० मिटर तल खसेको प्रमुख जिल्ला अधिकारी चक्रपाणि पाण्डेले बताउनुभयो । rss
