काठमाडौं वैशाख ३ , राष्ट्रिय क्रिकेट खेलाडी र सरकारी वार्ता टोलीबीचको मंलवािर भएको वार्ता बिनानिष्कर्ष टुङ्गिएको छ । नेपाल क्रिकेट सङ्घ (क्यान)र राष्ट्रिय खेलकुद परिषद्का पदाधिकारीबीचको वार्ता निष्कर्षमा नपुगेकाले आज फेरि छलफलमा बस्ने मितिरेखा तय भएको क्यानले जनाएको छ । झन्डै छ 
महिनादेखि तलब, दैनिक भत्ता, प्रशिक्षणमा रहँदा पाउनुपर्ने भत्तालगायत सुविधा नपाएको भन्दै क्रिकेट खेलाडी आन्दोलनमा उत्रेका हुन् । उनीहरूले क्रिकेटको भौतिक पूर्वाधार विकासका साथै खेलका निम्ति उपयुक्त वातावरण बनाउन पनि माग गरेका छन् ।
म्रलववारको वार्ता युवा तथा खेलकुद मन्त्रालयको अगुवाइमा भएको हो । उक्त मन्त्रालयका निमित्त सचिव शान्तिराम शर्माले वार्ता, संवाद र सहमतिको माध्यमबाट सबै समस्याको समाधान खोजिनुपर्नेमा जोड दिँदै खेलाडीका जायज माग पूरा गर्न मन्त्रालय र परिषद्ले सहजकर्ताको भूमिका निर्वाह गर्ने प्रतिबद्धता व्यक्त गरेको बुझिएको छ ।
