विराटनगर चैत १, राष्ट्रिय प्रजातन्त्र पार्टी नेपालका अध्यक्ष कमल थापाले स्थानीय निकायको निर्वाचन अहिलेको प्रमुख आवश्यकता भएको र यसले नै 
सङ्घीयतालाई बलियो बनाउने बताउनुभएको छ । विराटनगरस्थित पार्टी कार्यालयमा आज आयोजित पत्रकार सम्मेलनमा उहाँले नेपाली काँग्रेस र एमाले स्थानीय निकायको निर्वाचनप्रति गम्भीर नभएकाले निर्वाचन हुनेमा आशङ्का व्यक्त गर्नुभयो ।
उहाँले संविधानसभाले राष्ट्रपति र उपराष्ट्रपतिको निर्वाचन गर्नुपर्छ भन्ने संवैधानिक व्यवस्था छ तर सत्तासीन दुई पार्टी नेका र एमालेबीच भएको सात बँुंदे सहमतिले उक्त विषयलाई समाप्त पार्ने काम भएको आरोप लगाउनुभयो ।संविधानसभाले ताजा जनादेश पाइसकेको हुँदा राष्ट्रपति र उपराष्ट्रपतिको निर्वाचन हुनुपथ्र्यो तर त्यो सम्मानित पदलाई नवीकरण गर्ने काममात्र भएको छ, जुन असंवैधानिक कदम हो– अध्यक्ष थापाले भन्नुभयो ।
