गाईघाट फागुन २८, नेपाल पत्रकार महासङ्घ उदयपुर शाखाको आज सम्पन्न नवौँ जिल्ला अधिवेशनले पत्रकार कुशलबाबु बस्नेतको अध्यक्षतामा १३ सदस्यीय जिल्ला कार्यसमिति सर्वसम्मत रूपमा चयन गरेको छ । सङ्घको उपाध्यक्षमा हरिकुमार राई, सचिवमा भोटराज राई, सहसचिवमा पर्शुराम थापा र कोषाध्यक्षमा डिल्लीराम खतिवडा चयन हुनुभएको छ । सदस्यहरूमा गजेन्द्र राई, यमन दनुवार, बन्दना दनुवार, जयन्ती तामाङ, अजय साह, बुद्धि चामलिङ राई, बबिता परियार र नेत्रकुमार सुनुवार चयन हुनुभएको छ ।
यस्तै केन्द्रीय पार्षद्मा मधुकर थापा, यदु ढकाल, वैकुण्ठनाथ दाहाल, भक्तिविलास पोखेरल, श्याम राई, बाबुराम भण्डारी, भरत खड्का, महेश्वर चामलिङ राई, गोपाल पोखरेल, कौशल चेमजोङ, केदार थापा र केदार कटुवाल रहेकाछन ।