मङ्लबार, अशोज ११, २०७९

प्रमुख तीन दलको बैठक सकारात्मक: निर्णय भोलि

  काठमाडौँ चैत १२, विगतका सहमतिको कार्यान्वयनका लागि प्रधानमन्त्री निवास बालुवाटारमा आज बसेको प्रमुख तीन राजनीतिक दलहरू नेपाली काँग्रेस, नेकपा (एमाले) र एनेकपा (माओवादी) को बैठकले सहमतिका निर्णयमा भोलि मात्रै टुङ्गो लगाउने भएको छ । प्रमुख तीन दलबीच विगतमा भएको 3 dallचारबुँदे सहमति र सरकार गठनका बेला नेपाली काँग्रेस र नेकपा (एमाले)बीच भएको सातबुँदे सहमतिको कार्यान्वयनका लागि हिजोदेखि सुरु भएको बैठकमा छलफल सकारात्मक रुपमा अघि बढेको बताइएको छ ।

नेताहरूले संविधान निर्माण र निरन्तर संवाद तथा छलफलका लागि उच्चस्तरीय राजनीतिक समिति बनाउने र शान्ति प्रक्रियाका बाँकी मुद्दालाई तत्काल अघि बढाउने सहमति गरे पनि आज समयको अभावका कारण निर्णयमा पुग्न नसकिएको बताउनुभएको छ । बैठकमा शान्ति प्रक्रिया, संविधान निर्माण र सङ्क्रमणकालीन राजनीतिको व्यवस्थापनका सम्बन्धमा सौहाद्रपूर्ण छलफल भएको जानकारी गराउनु हुँदै नेपाली काँग्रेसका महामन्त्री कृष्णप्रसाद सिटौलाले भन्नुभयो– “विगतमा भएका सहमतिको कार्यान्वयनका लागि प्रमुख तीन दलबीच सकारात्मक छलफल भयो । 

 संविधानसभाको निर्वाचनमा एनेकपा (माओवादी)ले उठाएको प्रश्न सम्बोधन गर्न र हालै भएको मूल्यवृद्धिका सम्बन्धमा अध्ययन गर्न संसदीय छानबिन समिति बनाउने सहमति भएको छ त्यसलाई भोलि बिहान ८ बजे बस्ने बैठकले टुङ्गो लगाउने छ ।”
बैठकमा तत्काल संविधान निर्माण कार्यलाई अघि बढाउन संविधानसभाका संसदीय समितिलाई पूर्णता दिने, संवैधानिक परिषद् गठन गर्ने र राजदूत नियुक्त गर्ने लगायतका विषयमा समेत छलफल भएको बताइएको छ । सत्य निरुपण तथा मेलमिलाप र बेपत्ता आयोग निर्माण गर्ने सम्बन्धमा सहमति भइसकेको जानकारी गराउनु हँुदै एनेकपा (माओवादी)का नेता पोष्टबहादुर बोगटीले भन्नुभयो– “बाहिर आएका सम्पूर्ण विषयमा सकारात्मक छलफल भएको छ, समयको अभावले बाँकी रहेका विषयमा भोलि बस्ने बैठकले यी सबै विषयमा टुङ्गो लगाउने छ ।” बैठकमा तीनै दलका शीर्ष नेताको उपस्थिति रहेको थियो । रास 

साल्ट ट्रेडिङ्ग कपोर्रेशन लिमिटेड

कालिमाटी, काठमाडौं
फोन नं: ०१४ २७० ३१५ ,फ्याक्स: ०१४ २७१ ७०४
Email salt@stcnepal.com, admin@stcnepal.com

नेपालको सवैभन्दा पुरानो सुपर मार्केट

विशाल बजार कम्पनी लि.
शुक्रपथ, काठमाडौं, नेपाल

फोन: ०१४ २२८ ३४२, ०१४ २४२ १८५, ०१४ २२२ ४२३
Email: info@bishalbazar.com.np

खबरका दस्तावेजहरु

March 2014
S M T W T F S
 12
3456789
10111213141516
17181920212223
2425262728