बहुमतीय प्रक्रियाबाट सुवास नेम्वाङ सभाध्यक्ष हुँने पक्का पक्की
काठमाडौं फागुन ६, संविधानसभा अध्यक्ष चयनका लागि आज ब्यवस्थापिका संसदमा मतदान हुँदैछ । हिजो सहमतीय प्रक्रिया सम्भव नभएपछि आज बहुमतीय प्रक्रियाबाट सभाध्यक्षको चयन गरिने भएको हो । एमालेको तर्फबाट उम्मेदवार रहेका संविधानसभा पूर्व अध्यक्ष सुवास नेम्वाङलाई काग्रेस, राप्रपा नेपाल,राप्रपा लगायतका सानादलहरुको समर्थन रहेका कारण नेम्वाङ सभाध्यक्ष हुने पक्का पक्की रहेको छ । यसै विषयमा हिजो नेकपा एमालेले बोलाएको सर्वदलीय बैठकमा राप्रपा नेपाल, राप्रपा, नेपाल मजदुर किसान पार्टी लगायतका दलहले मतदान गर्ने प्रतिवद्धता जनाए पछि नेम्वाङ सभाध्यक्ष हुने संभावना झन बलियो भएको हो ।
यसैवीच संविधानसभा सचिवालयका प्रवक्ता मुकुन्द शर्माले बहुमतका आधारमा सभाध्यक्ष चयनका लागि आज दिउँसो १ देखि २ बजेसम्म उम्मेदवारी दर्ता हुने जानकारी दिनुभएको छ । साढे २ बजेपछि उम्मेदवारको नामावली प्रकाशन गर्ने र साँझ ५ बजे मतदान गरिनेछ । संविधानसभा अध्यक्ष संसदका पदेन सभामुख हुने ब्यवस्था छ ।