काठमाडौ फागुन ५, नेपाली काँग्रेस संसदीय बोर्डको बैठक पार्टी केन्द्रीय कार्यालय सानेपामा आज बिहान सुरु भएको छ । संसदीय दलका नेता एवम् 
प्रधानमन्त्री सुशील कोइरालाको अध्यक्षतामा सुरु भएको आजको बैठकबाट मन्त्रिपरिषद् विस्तारका लागि काँग्रेसको तर्फबाट मन्त्री हुनेहरूको नाम छनोट गर्नुको अलावा मुलुकको पछिल्लो राजनीतिक अवस्था, नेकपा एमालेसँगको सत्ता साझेदारीको सवालमा छलफल हुने बताइएको छ ।
त्यस्तै बैठकले मङ्गलबार हुने संविधानसभाको अध्यक्ष तथा उपाध्यक्षको निर्वाचनका लागि पनि कसलाई सघाउँने भन्ने प्रसंगमा काँग्रेसले दृष्टिकोण बनाउँने तयारी गरिरहेको बुझिएको छ । बैठकमा उपसभापति रामचन्द्र पौडेल, वरिष्ठ नेता शेरबहादुर देउवालगायत नेताहरूको सहभागिता रहेको छ ।
