काठमाडौं माघ २६, सञ्चारकर्मीहरुको पेशागत हकहितको ग्यारेन्टी, श्रमजीवि पत्रकार ऐन लागू गर्न र एक वर्षभित्रै नयाँ संविधानसभाबाट 
संविधान जारी 
गराउन दबाब कायम राख्ने निर्णय गर्दै मधेसी पत्रकार संघको प्रथम अधिवेशन सम्पन्न भएको छ । अधिवेशनले कुमार विवेकानन्द मिश्रको अध्यक्षतामा १३ सदस्यीय नयाँ कार्यसमिति सर्वसम्मतले गठन गरेको छ । कार्यसमितिको उपाध्यक्ष, महासचिव र कोषाध्यक्षमा क्रमशः पंकज दास, सुरेशकुमार यादव र प्रियंका पाण्डे चयन भएका छन् । सदस्यहरुमा राजेशप्रसाद वर्मा, अमरेन्द्र यादव, रामसुभक महतो, विपी साह, सीमा शर्मा, पार्वता चौधरी लगायत चयन भएको संघले जनाएको छ ।। अधिवेशनलाई पत्रकार महासंघका पूर्व सभापति धमेन्द्र झा , वरिष्ठ पत्रकारहरु राजेश्वर नेपाली,लगायतका वत्तहिरुले सम्बोधन गरेका थिए ।
