काठमाडौ फागुन ११, नेकपा (एमाले) हिजोबाट सुरु भएको २६ औं केन्द्रीय समितिको बैठकले मन्त्रालय बाँडफाँटमा काँग्रेससँग भएको सहमति 
कार्यान्वयन भएमा सरकारमा जाने निर्णय गरेको छ । आजको बैठकले काँग्रेससँग भएको सात बुँदे सहमति अनुमोदन गर्दै उपाध्यक्ष वामदेव गौतमको नेतृत्वमा सरकारमा जाने निर्णय गरेको हो ।
एमाले केन्द्रीय समितिको बैठक चल्दैगर्दा मन्त्रीपरिषद विस्तारका लागि प्रधानमन्त्री कोइरालाका तर्फबाटप्राप्त सकारात्मकअभिव्यक्ति प्राप्त भए पछि एमाले पूर्ववत् निर्णय परिवर्तन गर्दै सरकारमा जान तयार भएको हो । त्यस्तै एमालेले मन्त्रालयको जिम्मेवारी वितरणबारे काँग्रेससँग वार्ता गर्न उपाध्यक्ष वामदेव गौतमको नेतृत्वमा टोली गठन गरेको जनाउँदै एमाले केन्द्रीय प्रचार तथा प्रकाशन विभागका प्रमुख प्रदीपकुमार ज्ञवालीले काँग्रेससँगको लिखित र मौखिक सहमति पालना भएमा पार्टी सरकारमा जाने अन्यथा नजाने भन्ने पूर्ववत् अडानलाई बैठकले दोहो-याएको बताउनुभएको छ । साथै उहाँले आजको बैठकमा नवौं महाधिवेशनको कार्यसूचीबारे छलफल भएको बताउँदै थप छलफल सोमबार बस्ने केन्द्रीय कमिटीको बैठकमा हुने बताउँनु भएको छ ।
