काठमाडौंँ माघ २०, राष्ट्रिय निजी तथा आवसीय विद्यालय एसोसियसन नेपाल काठमाडौँको शनिबार सम्पन्न पाँचौँ अधिवेशनले सुवास न्यौपानेको अध्यक्षतामा २१ सदस्यीय नयाँ कार्यसमिति चयन गरेको छ । निर्विरोधन निर्वाचित सो कार्यसमितिका प्रथम उपाध्यक्षमा सिपी आचार्य, द्वितीय उपाध्यक्षमा नारायण कर्मा कार्की, सचिवमा विष्णुप्रसाद पराजुली, सहसचिवमा रुद्रमणि सुवेदी, कोषाध्यक्षमा खड्ग बस्नेत र सहकोषाध्यक्षमा पुष्करराज नेपाल रहेका छन ।
त्यस्तै सदस्यमा भीष्म पाण्डे, राजु लामा कुन्दन, श्याम योञ्जन, श्रीबहादुर कार्की, नीता श्रेष्ठ, नेत्र न्यौपाने, अमृत खड्का, वासुदेव भट्ट, डिएन महतो, अमर तिमिल्सेना, बालकुमार गुरुङ, भीष्म ढकाल, शीतल राणा र होमबहादुर अधिकारी निर्वाचित हुनुभएको छ ।
