काँग्रेसले सहमतिय सरकार गठनका लागी आज अन्तिम प्रयास गर्ने
काठमाडौं माघ १९,संविधानसभामा सवैभन्दा ठुलो दलको हिसाबले सरकार बनाउने जिम्मा पाएको नेपाली काँग्रेसले सहमतिय सरकार गठनका लागी आज अन्तिम पहल गर्ने भएको छ । काग्रेसले आज तेस्रो पटक सर्वदलीय बैठक मार्फत यस्तो पअल गर्न लागेको हो । शनिवार बसेको सर्वदलीय बैठकले कुनै सर्वमान्य 
सहमति गर्न नसकेपछि सहमतिय सरकार बनाउन लिखित सहमति मागेकोमा विधानसभामा प्रतिनिधित्व गर्ने ३० दल मध्ये अहिले सम्म जम्मा १३ दलले मात्रै काँग्रेस नेतृत्वको सहमतिय सरकारको लागि लिखित समर्थन जनाएका छन् । ति मभ्य राप्रपा नेपालले त हिजैकै बैठकमा आफ्नो पार्टी प्रतिपक्षमा बस्ने आसयको विमतिपत्र बुझाएको थियो ।
तर पनि काँग्रेसले राष्ट्रिय सहमतिको सरकार गठनको लागि राष्ट्रपति डा। रामवरण यादवले आव्हान गर्नु भएको समयसिमा आज साँझ बाट समाप्त हुँदै गर्दा आजको बैठकमा फेरि पनि सवैदलसंग सहमतिको लागि आग्रह गरिने बताएको छ । आजको छलफलबाट सरकारको प्रारुपकाबारे स्पष्ट खाका आउँने अपेक्षा गरेपनि सहमतिय सरकारको संभावना भने लगभग समाप्त भइसकेको बताउँदै नेताहरुले यदि आज कुनै चमत्कार भएन भने भोलिबाट काँग्रेसकै नेतृत्वमा बहुमतिय सरकार गठनको प्रक्रिया सुरुहुने भएको छ ।
