काठमाडौं माघ १८, काँग्रेसले आफ्नो नेतत्वमा सहमतीय सरकार गठनको लागि आज दोस्रो पटक संविधानसभामा रहेका दलहरूको सर्वदलीय बैठक आह्वान गरेको छ । आजको बैठकमा सभापति सुशील कोइरालाले आफ्नो दलको नेतृत्वमा बन्ने सरकारलाई सहयोग र समर्थन गर्न आग्रह गर्नुहुने बुझिएको छ । आजको 
बैठकको आह्वानका विषयमा काँग्रेस प्रवक्ता दिलेन्द्रप्रसाद वडुले ठूलो दलको पनि हैसियतले काँग्रेसको नेतृत्वमा सहमतीय सरकार गठनका लागि समर्थन गर्न दलहरूलाई औपचारिक आग्रह एवम् सहमतिको लागि अनुरोध गरिने बताउँदै राष्ट्रपतिले सहमतीय सरकार गठनका दिएको समयसिमाभित्र सकारात्मक प्रगतिको लागि पहल गरिने बताउँनु भएको छ ।
दिउँसो २ बजेबाट नयाँबानेश्वरमा बस्ने बैठकमा कांग्रेसले सकेसम्म सबैको सहभागिता र नभए समर्थनसहितको सरकार बनाउन पहल गर्ने भएको छ ।राष्ट्रपति डा। रामवरण यादवले सहमतीय सरकार गठनका लागि भोलिसम्मको समयसीमा दिएका छन् यसवीचमा सहमतीय सरकार गठन हुन नसके बहुमतीय सरकार गठनका लागि आह्वान हुनेछ ।
