काठमाडौँ फागुन १० , नेपाली काँग्रेस महोत्तरी–काठमाडौँ सम्पर्क समितिद्वारा आज महोत्तरी जिल्लाबाट संविधानसभामा काँग्रेसको तर्फबाट प्रतिनिधित्व 
गरेका सभासद्हरुको सम्मानमा आयोजित कार्यक्रममा बोल्दै काँग्रेस उपसभापति रामचन्द्र पौडेलले नेकपा एमालेले राष्ट्रपति र उपराष्ट्रपतिको निर्वाचन हुनुपर्छ भनेर निहुँ खोज्नु हलो अड्काएर गोरु चुट्ने दाउ भएको बताउँनु भएको छ ।
त्यस्तै उपसभापति पौडेलले पार्टी सभापति सुशील कोइरालालाई पूर्ण विश्वास गरेर नै संसदीय दलको नेता एवम् प्रधानमन्त्री चयन गरेको बताउँदै अहिले प्रधानमन्त्रीलाई संसदीय व्यवस्था विपरीत पार्टीभित्र र बाहिरबाट हातखुट्टा बाँध्ने र अधिकार प्रयोग गर्न रोक लगाउँने काम हुँदै आएको बताउँदै एमालेलाई गृह मन्त्री दिने सम्झौता पार्टीले नगरेको भन्दै बताउँनु भएको छ । कार्यक्रममा उपसभापति पौडेलले सभासदहरु क्रमस सीताराम भण्डारी, किरण यादव र सङ्गीता मण्डललाइ सम्मान गर्नु भएको थियो ।
