काठमाडौं माघ १९, व्यवस्थापिका संसदको आजको बैठकमा राष्ट्रपतिबाट जारी भएको बाधा अडकाउ फुकाउ आदेश मतदानविधिबाट अनुमोदन गरिएको छ । को लागि प्रस्तुत प्रस्ताव अनुमोदनकोलागि बैठकमा टेवल गर्दा प्रस्ताव उपर सर्वसम्मती कायम हुन नसक्दा मतदानमार्फत दुई तिहाई मतले आदेशलाई अनुमोदन गरिएको हो ।
यसरी अनुमोदन गरिएको आदेशहरुमा नेपालको अन्तरिम संविधान, २०६३ को धारा १५८ बमोजिम राष्ट्रपतिबाट तत्कालीन सरकारको सिफारिसमा गत २०६९ चैतमा जारी पच्चीसबुँदे आदेश त्यस्तैगगरि २०७० असोजमा जारी निर्वाचन सुनिश्चितासम्बन्धी आदेश र निर्वाचनमा सैनिक परिचालनसम्बन्धी संविधानका विभिन्न धारा संशोधनका लागि बाधा अड्काउ फुकाउने आदेश रहेका छन ।
संसद नभएको बेला प्रधानन्यायाधीश खिलराज रेग्मीको नेतृत्वमा सरकार गठनको संवैधानिक व्यवस्था गर्नेदेखि निर्वाचनका कानुनहरु निर्माणका लागि राष्ट्रपतिबाट तीन पटक बाधा अड्काउ फुकाउ आदेश जारी भएको थियो । व्यवस्थापिका संसद्को अर्काे बैठक यही माघ २२ गते बुधवार अपराह्न १ बजे बस्नेछ ।
