काठमाडौँ फागुन १५, उपराष्ट्रपति परमानन्द झाले हिन्दू धर्मावलम्बीको पर्व महाशिवरात्रिका अवसरमा नेपालीबीच आपसी धार्मिक सद्भाव, सहिष्णुता र 
भाइचाराको अभिवृद्धि हुँदै जानेमा आफू विश्वस्त रहेको बताउनुभएको छ ।
महाशिवरात्रि पर्वका अवसरमा शुभकामना सन्देश दिनुहुँदै उहाँले संविधानसभामार्फत लोकतान्त्रिक संविधानको निर्माण नै आजको राष्ट्रिय आवश्यकता भएको बताउँनु भएको छ । शुभकामना सन्देशमा उपराष्ट्रपति झाले देश विदेशमा बस्नु हुने सम्पूर्ण नेपाली दिदीबहिनी तथा दाजुभाइमा सुस्वाथ्य, शान्ति, समृद्धि तथा उत्तरोत्तर प्रगतिको शुभकामना व्यक्त गर्नुभएको छ ।
