नुवाकोट पौष २६, हरेक वर्ष माघे सङ्क्रान्तिको दिन तारुका–५ चन्दनीको बारीको ठूलो पाटोमा जुधाइँदैआएको ऐतिहासिक महत्व बोकेको गोरु जुधाइ मेला यस वर्ष एकै स्थानमा 
आयोजना गरिने भएको छ । गत वर्ष राजनीतिक दलको विवादका कारण दुई स्थानमा जुधाएको भए पनि यस वर्ष किसानहरु आफैँले आयोजक समिति बनाएर एकै स्थानमा पर्व मनाउन लागेको प्राप्त समाचारमा जनाएको छ । त्यस्तै मेलाको लागि अहिलेसम्म १९ हल गोरु दर्ता भएको उल्लेख गर्दै गोरु जुधाइ मेलाको लागि रेशमलाल श्रेष्ठको संयोजकत्वमा ११ सदस्यीय मेला आयोजक समिति गठन गरिएको जनाएको छ ।
