काठमाडौँ माघ ८, नेपाल प्रहरीको केन्द्रीय अनुसन्धान ब्युरोले मंगलवार ललितपुरमा अवैध रूपमा कल बाइपास गरेको आरोपमा पाँच जना भारतीय नागरिक पक्राउ गरेका छन् । ब्युरोका अनुसार ब्युरोले ललितपुर वडा नं १० मा घर भाँडामा लिई अवैध कल बाइपास गरिरहेको सूचनाका आधारमा उनीहरूलाई पक्राउ 
गरिएको हो । पक्राउ पर्नेहरूमा भारतीय नागरिकहरू साबिर हुसैन, कौशर हुसैनलगायतका रहेको जनाएका छन ।
उनीहरूसँगै अवैध कल बाइपासमा प्रयोग हुने ३२ पोर्टको म्याट्रिक्स दुई थान, २८ पोर्टको म्याट्रिक्स एक थान, एनसेलको सिमकार्ड १२० वटा, राउटर दुई वटा, ल्यापटप दुई वटालगायतका सामग्री समेत बरामद गरिएको छ । ब्युरोले आलसम्म मुलुकका विभिन्न ५८ स्थानमा अवैध भिओआइपी विरुद्धको कारवाही सञ्चालन गरी ८८ जना स्वदेशी नागरिक र २६ जना विदेशी गरी कूल ११४ जनालाई पक्राउ गरिसकेको छ । सो क्रममा १८ हजार १२३ वटा विभिन्न कम्पनीका सिम कार्ड बरामद गरेका छन ।
