काठमाडौँ पौष ९ , असहाय वृद्धवृद्धा र बालबालिका समेत गरी ९० जना भन्दा बढी आश्रित काठमाडौँको सोल्टीमोडस्थित आमाको घरलाई मेगा बैंकका प्रमुख कार्यकारी अधिकृत अनिलकेशरी शाह र बैंकका संस्थापक प्रवद्र्धक श्रीप्रसाद बस्ताकोटीले संयुक्त रूपमा रु सात लाख सहयोग प्रदान गर्नुभएको छ ।
दिलशोभा श्रेष्ठद्वारा सञ्चालित आमाको घरलाई सहयोग प्रदान गर्दै मेगा बैंकका प्रमुख कार्यकारी अधिकृत शाहले असहाय वृद्धवृद्धालाई सहयोग गर्नु निजी क्षेत्रको पनि दायित्व भएको बताउँदै वृद्धवृद्धा हाम्रा भगवान् सरह भएको र उनीहरूलाई सम्मान गर्न नसके हामी सच्चा नागरिक कहिल्यै बन्न नसक्ने बताउँनु भएको प्राप्त समाचारमा उल्लेख गरिएको छ ।
