काठमाडौं बैशाख २७, भारतीय प्रधानमन्त्री नरेन्द्र मोदीले शुक्रबार जनकपुरमा दुई घण्टा बिताउने छन् । निकै व्यस्त भ्रमण तालिकासहित प्रदेश २ को अस्थायी राजधानी जनकपुरबाट सुरु हुने दुईदिने भ्रमणमा भारतीय प्रधानमन्त्री मोदीले जानकी मन्दिरमा पूजापाठ, रामायण सर्किटको उद्घाटन र जनकपुर–अयोध्या बस सेवा उद्घाटन तथा नागरिक अभिनन्दन कार्यक्रममा सम्बोधन गर्ने तय भएको वीरगन्जस्थित भारतीय महावाणिज्य दूतावास कार्यालयका महावाणिज्यदूत बीसी प्रधानले जानकारी दिए ।
जानकी मन्दिरका महन्थका उत्तराधिकारी (छोटे महन्थ) रामरोशनदास वैष्णवले दिएको जानकारीअनुसार, प्रधानमन्त्री केपी ओली र भारतीय प्रधानमन्त्री मोदी दुवै जनाले पूजा गर्नसक्ने गरी मन्दिरले तयारी गरेको छ । तर मन्दिरमा मोदीलाई स्वागत गर्ने प्रधानमन्त्री ओलीले मोदीसँगै पूजा गर्ने वा नगर्ने एकीन जानकारी मन्दिरलाई छैन । मन्दिरका छोटे महन्थ वैष्णवले करिब आधा घन्टा मोदीले पूजा गर्ने अनुमान गर्दै भने, ‘आधा घण्टाको पूजापछि प्रधानमन्त्री ओली र भारतीय प्रधानमन्त्री मोदीले रामायण सर्किटको संयुक्त उद्घाटन गर्ने कार्यक्रम रहेछ ।’ त्यसलगत्तै जनकपुर–अयोध्या बस सेवाको पनि दुई देशका प्रधानमन्त्रीले संयुक्त उद्घाटन गर्ने कार्यक्रम छ ।
जनकपुरका तीन वटै कार्यक्रम सकेपछि भारतीय प्रधानमन्त्री मोदी सीधै काठमाडौं जाने कार्यतालिका रहेको वीरगन्जस्थित भारतीय महावाणिज्य दूतावास कार्यालयले जनाएको छ । भारतीय प्रधानमन्त्री मोदी आफ्नै एटीआर विमानबाट जनकपुर अवतरण गर्ने जनकपुरस्थित मुख्यमन्त्री तथा मन्त्रिपरिषद्को कार्यालयले जनाएको छ । कार्यक्रम सकेलगत्तै उनी आफ्नै एटीआर विमानबाट काठमाडौं जाने भारतीय महावाणिज्य दूतावास कार्यालयका महावाणिज्यदूत बीसी प्रधानले जानकारी दिए ।
मोदीलाई टुँडिखेलमा सम्मान : सरकारले भारतीय प्रधानमन्त्री मोदीलाई जनकपुर र काठमाडौंमा नागरिक अभिनन्दन गरिने जानकारी दिएको छ । परराष्ट्रमन्त्री प्रदीप ज्ञवालीले मोदीको भ्रमणबारे बुधबार संसद्लाई जानकारी गराउँदै मोदीलाई टुँडिखेलमा सम्मान गारथ जनाइने जानकारी दिए । भारतीय प्रधानमन्त्री मोदीले वैशाख २८ गते राष्ट्रपति विद्यादेवी भण्डारी, उपराष्ट्रपति नन्दबहादुर पुन र प्रधानमन्त्री ओलीसँग विविध विषयमा छलफल गर्ने जानकारी पनि उनले दिए ।
मन्त्री ज्ञवालीले मोदी भ्रमणका क्रममा जनकपुर अयोध्या सिधा बससेवा र रामायण सर्किटबारे सम्झौता हुने जानकारी दिए । भारतीय प्रधानमन्त्री मोदी र प्रधानमन्त्री ओलीले अरुण तेस्रो जलविद्युत आयोजनाको संयुक्त शिलान्यास गर्ने, मोदीले जनकपुर र मुक्तिनाथको भ्रमण गर्ने कार्यतालिका रहेको उनले बताए । त्यसअघि संसद्मा विशेष समय लिएर बोल्ने सांसदहरूले मोदीको भ्रमणबारे सरकारले सदनलाई जानकारी गराउन माग गरेका थिए ।
नेमकिपाका प्रेम सुवालले भारतीय प्रधानमन्त्री सिधै काठमाडौं नआई जनकपुर आउनु अमिल्दो भएको बताए । ‘कुनै पनि देशको प्रधानमन्त्री आउँदा पहिला काठमाडौं आउनुपर्ने हो’, उनले भने । पहिलोपटक ०७१ साउन १८ गते नेपाल आएका मोदीले संसद्मा सम्बोधनका क्रममा १ खर्ब ऋण दिने र भूकम्पपछि पुनर्निर्माणमा अर्को १ खर्ब दिने भनी प्रतिबद्धता जनाएको उल्लेख गर्दै उनले भने, ‘तर घोषणा भएअनुसार एक रुपैयाँ पनि आएन भन्ने छ । सरकारले संसद्लाई जानकारी गराओस् ।’
एमाले सांसद नरबहादुर धामीले कञ्चनपुरको सीमा क्षेत्रका नेपालीमाथि भारतीय सीमा सुरक्षा बल(एसएसबी)ले आतंक सिर्जना गरेको भन्दै नेपाल भ्रमणमा आउन लागेका भारतीय प्रधानमन्त्री मोदीसँग त्यसबारे छलफल गर्न सरकारको ध्यानाकर्षण गराए । कांग्रेसका देवेन्द्रराज कँडेलले भारतीय प्रधानमन्त्रीसँग गण्डक बाँधबाट भइरहेको डुबान समस्याबारे छलफल गर्न सरकारसँग माग गरे । अन्नपूर्णपोष्टबाट
तपाईं फेसबुक, युट्युव मार्फत् पनि हामीसंग जोडिन सक्नुहुन्छ ।
- संकल्प प्रस्ताव पारित :३० दिनभित्र विश्वासको मत नलिए नयाँ सरकार गठनको आव्हान
- सहकारी ठगी प्रकरण : सुप्रिमका अध्यक्ष ओमप्रकाशलाई थुनामा पठाउन आदेश
- प्रमिलाको ‘सधैं देख्ने सपनाको’ सार्वजनिक
- विपिनको रिहाइका लागि पहल गरिदिन प्रधानमन्त्रीसँग जोशी परिवारको आग्रह
- सुदूरपश्चिम प्रदेशको मुख्यमन्त्रीमा एकीकृत समाजवादीका सोडारी नियुक्त
- मन्त्रिपरिषद् बैठक: बागमती प्रदेश प्रमुख सचिवको जिम्मेवारी सहसचिव कार्कीलाई
- एमालेकी विदेश विभाग सचिव शाक्य राष्ट्रिय सभा सदस्यमा मनोनीत
- गण्डकी प्रदेशसभाको अधिवेशन आव्हान ,विश्वासको मत लिने मुख्यमन्त्री अधिकारीको तयारी
- रास्वपाभित्रै उठ्यो सहकारीसम्बन्धी छानबिनको लागि समिति बनाउने आवाज
- आज र भोली देशभरका बालबालिकालाई भिटामिन ‘ए’ खुवाइँदै
- मुलुकको निरन्तर अधोगतिप्रति अब हामी मौन रहन सक्दैनौं : पूर्वराजा शाह
- राष्ट्रियता बिनाको प्रजातन्त्र कागजी सिद्धान्त : पूर्वराजा शाह
- यस्तो छ संसद पुनःस्थापना फैसलाको १५ पृष्ठ लामो फैसलाको पूर्ण पाठ
- वर्ष ०७७को बडादसैँ सुरु, बिहान ११ः४६ को शुभ साइतमा घटस्थापना गरि मनाइदै
- संघीय संसदको छैठौँ तथा बजेट अधिवेशन सुरु [हेर्नुस प्रत्यक्ष प्रशारण ]
- कसैले कसैलाई निषेध गर्ने सोचको आयु समाप्त भएको यथार्थलाई आत्मस्वीकार गर्न पूर्वराजा शाहको आग्रह
- कोभिड -१९ रोकथाम, नियन्त्रण तथा उपचार कोषमा पूर्वराजा ज्ञानेन्द्र शाहबाट २ करोड सहयोग
- सर्वहितकारी ‘प्रजातन्त्रिक धर्म’को निर्वाह गरौ : पूर्वराजा शाह
- अन्तत सरकारले ग-यो पृथ्वी जयन्तीको दिन सार्वजनिक बिदाको निर्णय
- आज पहिलो चरण अन्र्तगत ३२ जिल्लामा निर्वाचन , तीनवटा मतपत्रबाट चार प्रतिनिधिको चयन गर्दै
- मस्जिद देखी मन्दिर सम्मको यात्रा : विवाद उत्सवमा परिणत
- श्री ५ बडामहाराजधिराजको दिव्य उपदेशका उपेक्षाका कारण मुलुकमा अनेकन संकट बढ्यो : पूर्वराजा शाह
- मुलुकको राजनीति राष्ट्रकेन्द्रित र जनहित अनुकुल छ वा छैन त्यसको समीक्षा गर्न ढिला भयो : पूर्व राजा ज्ञानेन्द्र शाह
- राष्ट्र निर्माणका लागि योगदान गर्ने वीर वीरङ्गनाको उत्सर्ग किमार्थ नजरअन्दाज गर्न हुन्न : ज्ञोन्द्र शाह
- शुक्रवार राति १० बजेदेखि शनिबार बिहान ४ः ४५ सम्म उल्का वर्षा हुने
- शक्तिस्वरूपाको टीका, जमरा ग्रहणको लागि उत्तम साइत बिहान ११ बजेर ५५ बजे
- विजया दशमी २०७४को शूभकामना दिदै पूर्वराजा शाहले भने – राज्यप्रतिको विश्वास र भरोशामा ह्रास आउनू देशका लागि शूभ संकेत होइन
- १३६ स्थानीयतहको मतपरिणाम सार्वजनिक, काँग्रेस पहिलो , एमाले पाँचौ स्थानमा
- तृष्णा शाक्य नयाँ जीवित देवी कुमारी घोषित , राष्ट्रपतिसंग भेटवार्ता
- राष्ट्रियतालाई एकताबद्ध बनाउ सकारात्मक भूमिका खेल्न सञ्चार क्षेत्रलाई राष्ट्रपतिको आह्वान
