काठमाडौं माघ ३०
जल तथा मौसम विज्ञान विभागले पश्चिमी वायुको प्रभावले आगामी तीन दिन देशभर आंशिकदेखि सामान्य बदली रही उच्च पहाडी तथा हिमाली भूभागमा हल्का हिमपातको संभावना औल्याएको छ ।
त्यस्तै विभागले यसवीचमा वर्षाको कुनै लक्षण् नभएपनि आइतबारसम्म देशभर आंशिक बदली संगै उच्च पहाडी तथा हिमाली भूभागमा हिमपातको सम्भावना औल्याएको हो ।
त्यस्तै आगामी २४ घण्टाको लागि चेतावनी तथा परामर्श जारी गदैँ उच्च पहाडी तथा हिमाली भूभागमा हल्कादेखि मध्यम हिमपातको सम्भावना र तराईका केही भूभागमा बिहानपख हुस्सु÷कुहिरो लाग्न सक्ने हुँदा चिसो अझै रहिरहने देखिएकोले आवश्यक सतर्कता अपनाउन सबैमा अनुरोध गरिएको छ ।
