काठमाडौं मंसिर २९,
पछिल्लो २४ घण्टामा देशभरका विभिन्न प्रयोगशालामा ५ हजार ४२३ जनाको पीसीआर परिक्षणको क्रममा थप ८ सय २१ जनामा कोभिड संक्रमण पुष्टि भएसंगै नेपालमा संक्रमितको कुल संख्या २ लाख ४९ हजार २४४ पुगेको छ । त्यस्तै देशभर सक्रिय संक्रमितको संख्या १० हजार ९५५ रहेको छ भने कुल संक्रमित मध्ये आज ८४२ जना संक्रमणमुक्त हुँदै डिस्चार्जभएसंगै डिस्चार्ज हुनेको संख्या २ लाख ३६ हजार ५७३ पुगेको मन्त्रालयले जनाएको छ ।
त्यस्तै संक्रमणबाट थप १८ जनाको मृत्यु भएको छ । योसंगै संक्रमणबाट नेपालमा मृत्यु हुनेको संख्या १७१६ जना पुगेको छ भने आज पहिचान भएका संक्रमित मध्ये काठमाडौं उपत्यकामा थप ३३३ जना संक्रमित थपिएको मन्त्रालयले जनाएको छ । यसमध्ये काठमाडौमा २४६, ललितपुरमा ५३ र भक्तपुरका ३४ जना रहेको मन्त्रालयले जनाएको छ ।