काठमाडौं असोज २९,
राजधानीको नयाँ बजारस्थित फलफुल चोकमा रहेको निलकुमारी क्षेत्रीको किरियापुत्री बसेको घरमा विष्फोट हुँदा ११ जना घाइते भएको प्रहरीले जनाएको छ ।
प्रहरीका अनुसार सुरुमा भुइँ तलाको भ-याङ छेउमा ग्यास बाल्ने क्रममा लिक भएर आगलागी भएको थियो । नजिकै रहेको अर्को सिलिण्डर पनि विष्फोट भएको र विष्फोटका कारण घरको भित्ता चर्किनुका साथै भत्किएको छ । विस्फोटबाट ठूलो क्षति भएको छ । घाइतेमध्ये ४ जनालाई उपचारका लागि मनमोहन अस्पताल भर्ना गरिएको छ।
त्यस्तै यसवीचमा विस्फोटबाट भएको थप क्षतिको विवरण आउन बाँकी रहेको प्रहरीले जनाएको छ ।
