काठमाडौ असोज १९,
प्रमुख प्रतिपक्षी दल नेपाली कांग्रेसले निर्धारित मापदण्डअनुरुपको आइसोलेशनमा बस्ने आफ्नो व्यवस्था नभएका कोभिड सङ्क्रमितलाई तत्काल समुचित व्यवस्था गर्न सरकारसँग माग गरेको छ ।
कांग्रेसका सहमहामन्त्री एवं पार्टीको कोभिड—१९ अनुगमन समितिका संयोजक डा प्रकाशशरण महतले आज एक विज्ञप्ति जारी गर्दै कोभिड लक्षण देखिएका सङ्क्रमितलाई अस्पतालमा उपचारको समुचित व्यवस्था गर्नसमेत सरकारसँग माग गर्नुभएको छ ।
पछिल्लो समय सरकारी निकायले कोभिड सङ्क्रमितको सम्पर्कमा आएकाह रुको ट्रेसिङ गरी परीक्षण र आइसोलेशनको प्रभावकारी व्यवस्था गर्न नसकेको र यसले विशेषतः काठमाडौं उपत्यकामा डेरामा बस्ने या घरै भए पनि मापदण्डअनुरुप बस्ने व्यवस्था नभएकाहरु बिचल्ली परेको डा महतले जारी गर्नुभएको विज्ञप्तिमा उल्लेख गरिएको छ।
