काठमाडौं असोज १६, वडादशैंको एघारौं दिन आइतवार एकादशीका दिन राजधानीको मुटुमा अवस्थित असनचोकमा विशेष खड्ग जात्रा अर्थात असं चालं मनाइएको छ । यस जात्रामा मुलत तुलाधर गुठी समुदायका सबभन्दा कान्छो सदस्यलाइ थकालीको रुपमा खड्ग जात्रामा सरिक गराउँने परम्परा रहेको छ । 
यसैक्रममा यसपटक दिपेस रत्न तुलाधर र सिसिली तुलाधरका तेस्रो सन्तान २ वर्षिय सायोन तुलाधरलाइ थकालीको रुपमा सरिक गराइएको छ । त्यस्तै जात्राको शुभारम्भको क्रममा असन ज्यापु समुदायको असन कुम्ह गुठीको तर्फबाट १४ कन्या कुमारी र २ कुमार केटा गणेश र कुमारलाई तान्त्रिक विधिद्वारा पूजा गरी कुम्ह (मरःजा) ग्रहण एवम् बाजागाजा सहितको समूह असन स्थित तुलाधर देवघरमा पु-याई जात्रा शुरु गरिएको थियो ।
