काठमाडौ असोज १९, आसन्न प्रतिनिधिसभा र प्रदेशसभा सदस्य निर्वाचनका लागि आयोगले १६५ जनालाई मुख्य निर्वाचन अधिकृत र निर्वाचन अधिकृतमा नियुक्त गरेको छ । आयोगको मंगलबार बसेको बैठकले ७७ जिल्लाका जिल्ला न्यायाधीशलाई मुख्य निर्वाचन अधिकृत र अन्य न्यायाधीशलाई न्यायपरिषद्को सिफारिसमा निर्वाचन अधिकृतमा नियुक्त गर्ने निर्णय गरेको हो ।
त्यस्तै न्याय सेवा आयोगको सिफारिसमा आजबाटै लागु हुने गरि न्याय सेवाका द्वितीय श्रेणीका अधिकृतलाई निर्वाचन अधिकृत नियुक्त गरिएको आयोगले जनाएको छ । साथै आयोगले मुख्य निर्वाचन अधिकृत, निर्वाचन अधिकृत असोज २४ र २५ गते काभ्रेको धुलिखेलमा तालीम प्रशिक्षण सञ्चालन गर्ने तयारी गरेको छ ।
