काठमाडौ असोज ३, आज संविधानसभाबाट सङ्घीय लोकतान्त्रिक गणतन्त्र नेपालको संविधान जारी भएको आज दुई वर्ष पूरा भएको छ । सरकारले संविधान जारी दुई वर्ष पुगेको अवसरमा आज बिहान सैनिक मञ्च टुँडिखेलमा विशेष समारोह आयोजना गरेको छ भने संविधान दिवस मुलुकभर सोमबार हर्षोल्लासका साथ मनाइँदैछ । समारोहमा राष्ट्रपति, प्रधानमन्त्री, प्रधानन्यायाधीश, सभामुख, उपप्रधानमन्त्री, मन्त्रीगण, नेपाल सरकारका उच्च अधिकारी एवम् यहाँस्थित कूटनीतिक नियोगका प्रमुख एवम् प्रतिनिधि, उद्योगी, व्यवसायी, नागरिक समाजका प्रतिनिधि एवम् सञ्चारकर्मीको उपस्थिती रहेको थियो । दिवसलाई राष्ट्रिय पर्वका रुपमा मनाउन सरकारले आज सार्वजनिक बिदासमेत दिएको छ ।
मुलुकमा जारी संविधानले परिकल्पना गरेअनुरुपका लक्ष्यलाइ संस्थागत गर्ने अभियान अन्र्तगत आगामी माघ ७ गतेभित्र तीनै तहको निर्वाचन सम्पन्न गर्नुपर्ने अवस्थालाइ दृष्टिगत गर्दै पहिलो लक्ष्य स्थानीय तहको निर्वाचन सम्पन्न भइसकेको छ भने प्रदेश र प्रतिनिधीसभाको निर्वाचनको लागि मिति तय भइसकेको छ । तीनै तहको निर्वाचन सम्पन्न भएपछि मुलुकमा जारी संविधानलको कार्यान्वयनमा थप सहजता आउँने विस्वास गरिएको छ ।