काठमाडौं भाद्र १, प्रहरी प्रधान कार्यालयले नेपाल प्रहरीका १९० जना प्र डीएसपीहरुको सरुवा गरेको छ । भाद्र महिनादेखिको तलब, भत्तासमेत हाल सरुवा भएको स्थानबाट खाने गरी बुधबार प्रहरी प्रधान कार्यालयले डीएसपीहरुको सरुवा गरेको हो । सरुवा गरिएकाहरुमा पहिलो नम्बरमा डीएसपी अंगुर जोशी छन् । उनलाई प्रहरी प्रधान कार्यालय अपराध अनुसन्धान विभागबाट केन्द्रीय अनुसन्धान ब्युरो चोरी अपराध अनुसन्धान शाखामा सरुवा गरिएको छ ।
