काठमाडौँ पौष १२ एनेकपामाओवादीको पूर्व पोलिटब्युरो आज केन्द्रीय कार्यालय पेरिसडाँडामा सम्पन्न बैठकले संविधानसभाको निर्वाचनमा पार्टीलाई समानुपातिकतर्फ प्राप्त 
५४ सिटका लागि सभासद् छनोट गर्ने जिम्मेवारी केन्द्रीय समितिलाई दिएको छ । आजको बैठकले जनयुद्धमा विशेष योगदान गरेको, घाइते तथा अपाङ्ग , सहिद परिवार, पार्टीको एजेन्डालाई प्रस्टसँग राख्नसक्ने र राजनीतिकरूपमा परिपक्व भएकालाई सभासद् चयन गर्ने कार्यविधि पनि तय गरेको पार्टी प्रवक्ता अग्निप्रसाद सापकोटाले बताएका छन ।
