काठमाडौ असोज १९, अखिल नेपाल फुटबल सङ्घ (एन्फा)ले एएफसी एशियन कप छनोटअन्तर्गत ताजिकिस्तानविरुद्वको असोज २४ ताजिकिस्तानमा हुने चौथो खेलको लागि २३ सदस्यीय नेपाली फुटबल टोलीको बुधवार घोषणा गरेको छ ।
घोषित नेपाली टोलीका मुख्य प्रशिक्षक ग्योतोकु कोजीलाए उदृत गर्दै प्राप्त समाचारमा उल्लेख भएअनुसार टोलीको गोलरक्षकमा एलन न्यौपाने, बिकेश कुथू र किरणकुमार लिम्बू, सहित मिडफिल्डर’मा भरत खवास, सुनिल बाल, विशाल लाई, हेमन्त थापामगर र सुजल श्रेष्ठ छन् भने ‘स्ट्राइकर’मा बिमल घर्तीमगर, जर्ज प्रिन्स कार्की, हेमन गुरुङ, रोहित चन्द, विक्रम लामा, नवयुग श्रेष्ठ र अञ्जन विष्ट रहेका छन ।
त्यस्तै डिफेण्डरमा देवेन्द्र तामाङ, बिराज महर्जन, अनन्त तामाङ, जितेन्द्र कार्की, आदित्य चौधरी, कमल श्रेष्ठ, राजेन्द्र रावल र दिनेश राजवंशी रहेका छन ।
स्मरण रहोस पहिलो खेलमा नेपाल फिलिपिन्ससँग पराजित भएको थियो भने काठमाडौँमा भएको दोस्रो खेलमा यमनसँग गोलरहित बराबरी खेलेको थियो । त्यस्तै गत भाद्र २० गते तेस्रो चरणको खेलमा नेपाल घरेलु मैदानमा ताजिकिस्तानसँग २–१ गोलअन्तरले पराजित भएको थियो