-फणीन्द्र फुयाल-
काठमाडौं बैशाख १२, सिन्धुलीका टेकबहादुर थापा अहिले सन्तुष्ट छन् । दुई वर्ष अघिदेखि उनले सिन्धुलीको गोलान्जोर गाउँपालिका १ मा सुरु गरेको पहेंलो रंगको सखरखण्ड (ओरेन्ज फ्लेस स्वीट पोटेटो) ले मनग्य आमादानी दिन थालेपछि उनलाई पैसाको कमाउन के व्यवसाय सञ्चालन गर्ने भन्ने समस्या छैन । यसबाटै उनको सम्पूर्णं खर्च धनिएको मात्र छैन ‘जागिर’ नै यही बनेको छ । सलादको स्पमा प्रयोग हुने पहेँलो रंगको सखरखण्ड दक्षिण अफ्रिकाहुँदै नेपाल भित्रिएको उनको बुझाई छ । भन्छन्, ‘मैले यो खेती दुई वर्ष अघि जिल्लाको गोलान्जोर १मा करिव २ विघा जमिनमा सुरु गरेको हो, अहिले यो खेती सुनकोशी गाउँपालिका पनि बिस्तार भएको छ, चार सय किसानले यसको खोती सुरु गरेका छन । उनका अनुसार यसको खेती नेपालको ४२ जिल्लामा सुरु भएको छ भने व्यवसायीक रुपमा सिन्धुलीलगायत सिन्धुपाल्चोक, रसुवा र नुवाकोटमा भैरहेको छ । परम्परागत रुपमा धान, गहुँ, मकै, कोदो खेती गर्दा परिश्रम पनि धेरै पर्ने र उत्पादनमा बृद्धि नहुने हुँदा यस्ता नौला प्रकारका खेतीमा युवाहरुलाई प्रोत्साहन गर्न सके देशमै युवाशक्तिको खपत हुने, स्वरोजगार बनिने र देशमै श्रम गरेर मनग्य रकम पनि कमाउन सकिने उनको अनुभवले सिकाएको छ । यस्ता नयाँ र नौला प्रकारका फलफुल तथा बालीहरुको खेती देशको कुन र कस्तो मौसम, हावापानी र उचाइमा गर्न सकिन्छ त्यसको सरकारले पहिचान गरी वैज्ञानिक तरिकाले खेती गर्न सकेको खण्डमा युवाशक्तिहरु खाडि मुलुकको तातो घाममा श्रम र पसिना बेच्न जानु नपर्ने कृषक टेक बहादुर थापा बताउँछन् ।
हाल यो सखरखण्डको बजार माग धेरै भए पनि माग अनुसार उत्पादन गर्न सकिएको छैन । यसको बजार मुल्य हाल प्रति केजी ५० रुपैयाँ छ भने यो १ रोपानी जग्गामा करिव ५ देखि ८ क्विन्टल उत्पादन हुने गरेको थापाको थापाको अनुभवले देखाको छ । यो निकै भिटामिनयुक्त हुने, यसलाई सलादको रुपमा प्रयोग गर्न सकिने, चिप्स बनाउन सकिने, सुकाएर धुलो बनाइ पाउरोटी र केक बनाउनसमेत सकिने थापाले बताए । त्यसका लागि थापाले औजार तथा उपकरणसमेत प्रयोग गरी घरमै मिनि कारखानासमेत संचालन गरेका छन् ।
पृष्ठभूमि : यो बालीको उत्पति दक्षिण अमेरिका क्षेत्रमा भएको अनुमान गरिन्छ । शुरुका अवस्थामा यसको खेती मेक्सिको, मध्य र दक्षिण अमेरिका, वेष्ट इण्डिज क्षेत्रमा भएको पाइन्छ । हाल यसको खेती संसारको सबैजसो उष्ण तथा समशितोष्ण क्षेत्रमा गरिन्छ । विशेषगरी मध्य र दक्षिण अमेरिका, मेक्सिको, यूरोप र भारत, चीन, जापान, ताइवान, दक्षिण पूर्व एशिया र पेसिफीक टापुहरु सखरखण्ड खेतीका लागी प्रख्यात मानिन्छन् । नेपालमा यसको खेती तराई तथा मध्य पहाडमा मुख्यतः करेशाबारीको रुपमा खेती गरिन्छ । नेपालमा सखरखण्डको खेती कती क्षेत्रफल र कहाँ कहाँ लगाइन्छ भन्ने खासै तथ्याङ्क प्राप्त नभएता पनि गोरखा, काभ्रे, धादिङ्ग, सिराहा, सप्तरी, सुनसरी, धनकुटा, धनुषा, रुपन्देही, नवलपरासी, बाँके, बर्दिया, सुर्खेत र तनहुँ जिल्लाहरुमा कृषकहरुले फाटफुट रुपमा लगाउँदै आइरहेको पाइएको छ भने नार्कका वैज्ञानिक र कन्दमुल विकास केन्द्रले अनुसन्धान गरिरहेको छ ।
सुन्तला रंगको सखरखण्ड : सखरखण्डलाई “अनिकालको संजिवनी” पनि भनिन्छ, किनभने यसलाई उसिनेर मुरव्य खानाको सट्टामा पनि खान सकिन्छ । यो एक किसिमको लहरे खालको विरुवा हो । सुरुमा यसको पात हरियो वैजनी रंगको हुन्छ र बाटुलो आकारका पात र फुलको रंग निलो हुन्छ । यसको जरा तथा मुन्टा समेत खान सकिन्छ । आजकल गाँउ, शहरमा बस्ने धेरैजसो मानिसलाई सखरखण्ड भनेको के हो भन्ने थाहा नहुन सक्छ । तर, ‘स्विट पोटेटो’ भन्दा उनीहरुका आँखाअघि यसको चित्र आउन सक्छ । सखरखण्ड ऊर्जाको धेरै राम्रो स्रोत हो । आयुर्वेदअनुसार, यो जाडोमा बढि लाभदायक हुन्छ । किनभने जाडो याममा कन्दमूल बढि फाइदाजनक मानिन्छ । कन्दमूलले हाम्रो शरीरलाई न्यानो बनाइराख्न सघाउँँछ । पोषक तत्वले भरिपूर्ण सखरखण्डको सेवनले धेरै फाइदा मिल्छ । यसमा क्यालोरी र स्टार्चको सामान्य मात्रा हुन्छ, स्याचुरेटेड प्mयाट र कोलेस्टोरोलको मात्रा नभए बराबर हुन्छ । सखरखण्डमा फइबर, एन्टिअक्सिडेन्ट, क्यौरोटिनायड, भिटामिन ए, भिटा क्यारोटिन प्रशस्त मात्रामा पाइन्छ । सखरखण्ड उच्च मात्रामा स्टार्च भएको खाद्यपदार्थ भएकोले यसको एक सय ग्राममा ९० क्यालोरीसम्म हुन्छ जस्तै फोलेट, आइरन, म्यगनेसियम, कपर भिटामिन आदि पनि प्रशस्त पाइन्छ । यसले शरीरको रोग प्रतिरोधक क्षमतालाई बलियो बनाउछ । यसको सेवनले गालामा चमक आउँछ । यसको सेवन हाड, दाँत, नसा र छालाको लगि धेरै लाभदायक मानिन्छ ।
यसको नियमित सेवनले छालामा नरम पना र तजा बनाउनुका साथै चाउरी आउन कम हुने मान्यता छ । सखरखण्ड उच्च मात्रामा स्टार्च भएको खाद्यपदार्थ भएकोले यसको एक सय ग्राममा ९० क्यालोरीसम्म हुन्छ । यसमा डायट्री फाइबर र काबोहाइडेट बडि मात्रामा हुन्छ, जसले रगतलाई बढाउँछ । यसमा पाइने क्यारोटिनाइडले रगतमा चिनीको मात्रा नियन्त्रित गर्न सघाउँछ । यो मधुमेहको बिरामीका लागि निकै राम्रो मानिन्छ ।
यसमा भएको पोटेसियमले स्नायु प्रणलीको सक्रियतालाई राम्रो बनाइराख्नुका साथै मृगौलालाई स्वस्थ राख्न महत्वपूर्ण योगदान दिन्छ । भिटामिन बी– ६ ले भरिपूर्ण यसले शरीरमा होमोसिस्टिन नामक अमिनो एसिडको प्रवाहलाई नियन्त्रण गर्छ । अमिनो एसिडको मात्रा बढ्दा रोगको जोखिम पनि बढ्ने गर्छ । यसमा भिटामिन ए पनि प्रशस्त हुन्छ । यसको सेवनले शरीरलाई ९० प्रतिशतसम्म भिटामिन ‘ए’ को परिपूर्ति हुन्छ ।
उपयुक्त हावापानी: यसले तुसारो सहन सक्दैन, तुसारो नपर्ने ठाउँमा यसको खेती सजिलै गर्न सकिन्छ । टनेल मार्फत वाह्रै महिना यसको खेती गर्न सकिन्छ । यसको खेती उपत्यका र पहाडी भागमा बर्षको एक पटक र तराई तथा तल्लो पहाड दुई पटक र नदिको किनारामा (बालुवा भएको जमिन) तिन पटक खेती गर्न सकिन्छ । यो सखरखण्डलाई थोपा सिचाँई, मल्चिङ प्लाष्टिक, हजारी, फिरफिरे, उपयुक्त सिचाँइ हुनुपर्नेछ ।
लहरा रोप्ने समय: यो बाली बाह्रै महिना लगाउन सकिन्छ । रोपेको चार महिना देखि पाच महिना सम्म खनिसक्नु पर्छ ।
नर्सरी बनाउने तरिका जमिन तयार पारि फललाई जमिनमा रोप्नुपर्छ । उम्रेको लहरालाई तिन आख्लामा काटि डाँठलाई ढल्काएर दुई आखाँ पुर्ने र एक आखाँ देखाउनु पर्छ ।
जमिनको तयारी : यसकोे खेती जुनसुकै किसिमको माटोमा गर्न सकिन्छ । तापनि बलौटे दुमन माटो बढि उपयसक्त हुन्छ ।जमिनलाई राम्ररी खनजोत गरी मल मिलाई सम्म पार्नुपर्दछ । मसिनोसँग डल्ला फोरेर माटो बुरबुराउदो पारेर १ फिट अग्लो र १ फिट चौडाई भएको ड्याङ्ग बनाएर रोप्नु पर्दछ तर पानी जम्ने ठाँउ हुनुहुँदैन । पुर्व पश्चिम फर्केको ड्याङ्ग बनाउनु पर्दछ ।
विरुवाको रेखदेख : विरुवालई रोपे पछि सिमसिम पानीको आवश्यक पर्दछ । झरपातहरु आएमा उखेलेर फालिदिनु पर्दछ । बिरुवा २० देखि २५ इन्ची सम्म लामो भएपछि जुन लहराले अरु ठाउँमा जरा गाड्न नपाओस् भन्नाले १५–१५ दिनमा पल्टाइरहनु पर्नेछ । जहिले पनि लहरा ड्याङ्गमै अड्डीयोस् । यो सखरखण्डलाई खासै रोग तथा किराले सताउदैन ।
उत्पादन लिने : मुन्टा टिप्ने, फल खन्ने फल चाँहि ३ देखि ४ महिनामा खन्न तयार हुन्छ । हरियो साग (मुन्टा) करिब विरुवा रोपेको २ महिनामा टिप्न तयार हुन्छ । यसलाई खन्नु भन्दा १ दिनअघि भ्mयाङ्गलाई निकालेर अर्को डयाङ्ग बनाएर रोप्न सकिन्छ । तर उत्पादनमा कमि देखिन्छ ।
हार्बेष्टिङ : लहरा फेद्नेर काट्ने, चोट नलगाई खन्ने, क्रेटमा राख्ने, यसलाई पानीले राम्रो सँग सफा गर्ने, ग्रेडिङ गर्ने, राम्रोसँग जोख्ने, प्याकेजीङ लेबलीङ गर्ने, इयर कन्डिसनमा राख्ने, मार्केटमा पु¥याउने । जुन सामान काहि पनि दाग लाग्नु हुदैन । यो १२५ ग्राम देखि २५० ग्राम भन्द ठुलो हहुनुहुदैन ।
खाना तयार गर्ने तरिका: यसलाई खनेको एक हप्तापछि मात्र खाँदा गुलियोपना बढी हुन्छ । यसल���ई पानीमा सोझै उसिन्न हँुदैन, यसलाई फलामको कराइ अथवा पे्रसेर कुकरमा एक चम्चा घीउ अथवा तेल राखेर माथिबाट ढकनीले छोपेर सानो आगोमा पकाउन पर्दछ । गर्बवती महिला, बुढा बुढी ६ महिना पुरा भएका बच्चा लाई लिटोमा मिसाइ वा मिचेर खुवाउन सकिन्छ । यसको मुन्टा तरकारी पकाउदा अन्य साग पकाए जस्तै गरी थौरै तेल हालेर छोपेर पकाउनु पर्दछ, जस्ले गर्दा पौष्टिक पदार्थ नास भएर जाँदैन ।
यसलाई सलादको रुपमा पनि खान सकिन्छ । पानीमा सफा गरेर चाना काटेर राम्रोसँग सुकाएर राखेर पछि खान पनि सकिन्छ । यसलाई कोरेर मसिनो पारेर हलुवा (गाजरको हलुवा जस्तै) पकाएर पनि खान सकिन्छ । चिप्स, पाउरोटि, केक, तथा विभिन्न परिकार बनाएर खान सकिन्छ ।
तपाईं फेसबुक, युट्युव मार्फत् पनि हामीसंग जोडिन सक्नुहुन्छ ।
- दुर्गा प्रसाईंको हतियार अनुमति प्रकरणको छानबिन गर्न समिति गठन
- पत्रकारको साझा संस्था पत्रकार महासंघ स्थापनाको ६९औं वर्षमा
- संस्थागत विद्यालयको नाममा नेपालीपन झल्कने गरी राख्न महानगरको निर्देशन
- प्रदेश र स्थानीय तहको वित्तीय अनुदान स्वीकृत गर्ने सरकारको निर्णय
- उपनिर्वाचन: इलाम–२ मा लिम्बू रास्वपाको उम्मेदवार घोषित
- बागमती प्रदेशका मुख्यमन्त्री जम्कट्टेल नेतृत्वको सरकार विस्तार
- किसान विरोधी भूमि बैक कार्यक्रम अविलम्ब खारेज गर्न माग
- दूरसञ्चार प्राधिकरणका अध्यक्षद्वय सहित १९ जनाविरुद्ध भ्रष्टाचार मुद्दा दायर
- विकास निर्माणका क्षेत्रमा धेरै काम गर्न बाँकी छ : प्रधानमन्त्री
- स्वास्थ्यमन्त्री यादवलाई रास्वपाले ध्यानाकर्षण सहित बुझायो २६ बुँदे सुझाव
- मुलुकको निरन्तर अधोगतिप्रति अब हामी मौन रहन सक्दैनौं : पूर्वराजा शाह
- राष्ट्रियता बिनाको प्रजातन्त्र कागजी सिद्धान्त : पूर्वराजा शाह
- यस्तो छ संसद पुनःस्थापना फैसलाको १५ पृष्ठ लामो फैसलाको पूर्ण पाठ
- वर्ष ०७७को बडादसैँ सुरु, बिहान ११ः४६ को शुभ साइतमा घटस्थापना गरि मनाइदै
- संघीय संसदको छैठौँ तथा बजेट अधिवेशन सुरु [हेर्नुस प्रत्यक्ष प्रशारण ]
- कसैले कसैलाई निषेध गर्ने सोचको आयु समाप्त भएको यथार्थलाई आत्मस्वीकार गर्न पूर्वराजा शाहको आग्रह
- कोभिड -१९ रोकथाम, नियन्त्रण तथा उपचार कोषमा पूर्वराजा ज्ञानेन्द्र शाहबाट २ करोड सहयोग
- सर्वहितकारी ‘प्रजातन्त्रिक धर्म’को निर्वाह गरौ : पूर्वराजा शाह
- अन्तत सरकारले ग-यो पृथ्वी जयन्तीको दिन सार्वजनिक बिदाको निर्णय
- आज पहिलो चरण अन्र्तगत ३२ जिल्लामा निर्वाचन , तीनवटा मतपत्रबाट चार प्रतिनिधिको चयन गर्दै
- मस्जिद देखी मन्दिर सम्मको यात्रा : विवाद उत्सवमा परिणत
- श्री ५ बडामहाराजधिराजको दिव्य उपदेशका उपेक्षाका कारण मुलुकमा अनेकन संकट बढ्यो : पूर्वराजा शाह
- मुलुकको राजनीति राष्ट्रकेन्द्रित र जनहित अनुकुल छ वा छैन त्यसको समीक्षा गर्न ढिला भयो : पूर्व राजा ज्ञानेन्द्र शाह
- राष्ट्र निर्माणका लागि योगदान गर्ने वीर वीरङ्गनाको उत्सर्ग किमार्थ नजरअन्दाज गर्न हुन्न : ज्ञोन्द्र शाह
- शुक्रवार राति १० बजेदेखि शनिबार बिहान ४ः ४५ सम्म उल्का वर्षा हुने
- शक्तिस्वरूपाको टीका, जमरा ग्रहणको लागि उत्तम साइत बिहान ११ बजेर ५५ बजे
- विजया दशमी २०७४को शूभकामना दिदै पूर्वराजा शाहले भने – राज्यप्रतिको विश्वास र भरोशामा ह्रास आउनू देशका लागि शूभ संकेत होइन
- १३६ स्थानीयतहको मतपरिणाम सार्वजनिक, काँग्रेस पहिलो , एमाले पाँचौ स्थानमा
- तृष्णा शाक्य नयाँ जीवित देवी कुमारी घोषित , राष्ट्रपतिसंग भेटवार्ता
- राष्ट्रियतालाई एकताबद्ध बनाउ सकारात्मक भूमिका खेल्न सञ्चार क्षेत्रलाई राष्ट्रपतिको आह्वान