काठमाडौं साउन २९, नेत्रविक्रम चन्द विप्लव नेतृत्वको नेकपाले आज आव्हान गरेको नेपाल नेपाल बन्दको देशैभर केहि क्षेत्रमा सामान्य प्रभाव वाहेक चौतर्फी बन्दको अवज्ञा भएको समाचर प्राप्त भएको छ । विप्लव नेतृत्वको नेकपाले राजनीतिक आस्थाका आधारमा पक्राउ गरिएका आफ्ना नेता कार्यकर्तालाई बिना शर्त रिहा गर्नुपर्ने मागसहित आज नेपाल बन्दकोआव्हान गरेको हो ।
योे वा त्यो नाममा सधैको बन्दका कारण वाक् दिक्क भएका नागरिकहरुले आ आफ्नो व्यापार व्यवसाय सवारीसाधान विधालय मात्र नभइ सार्वजनिक यातायात समेत निर्वाद सञ्चाल गरेसंगै उपत्यका लगायतका क्षेत्रमा बन्दको अवज्ञा भएको हो । यसअघि नक्कली बम राखेर स्थानीयलाइ आतंकीत तुल्याउँन खोज्ने बन्दकर्तालाइ महानगरीय प्रहरी परिसरले सर्वसाधारणको वाक्लो आवागमन हुने क्षेत्र ग्वार्काे, ताल्छिखेल र बटुकभैरब र कुपण्डोलमा नक्कली बम राख्दै वातावरण तनावमय बनाएसंगै पक्राउ गरेको छ भने भक्तपुरको लोकन्थली र सूर्यविनायकमा पनि बन्दकर्ताले राखेको प्रेसर कुकर बम सुरक्षाकर्मीले निष्क्रिय पारेको समाचार प्राप्त भएको छ । त्यस्तैगरि महानगरीय प्रहरी परिसर काठमाडौले नैकाप र नयाँपाटीमा फेला परेका बम नेपाली सेनाले निष्क्रिय पारेको बताउँदै बम लिएर हिँडेका दुई जनालाई जमलबाट नियन्त्रणमा लिएको जनाएको छ ।
त्यस्तै मोफसल अन्र्तगत लामो तथा छोटो दूरीका सार्वजनिक सवारीसाधन चल्न नसक्दा सर्वसाधारण समस्यामा केहिहदसम्म मर्कामा परेका छन भने अधिकांश शैक्षिक संस्थाको पठनपाठन पनि प्रभावित भएको थाहा भएको छ । यसैक्रममा बन्दकर्ताले पूर्वी नवलपरासीको गैँडाकोटमा रोकिराखिएकोे दुई ट्रकमा आज आगजनी गरेको छ भने प्रहरीले विप्लव नेतृत्वको नेकपा माओवादीका कार्यकर्ता छविलाल ओलीलाई बन्द गराउँदै हिँडेको अवस्थामा पक्राउ गरेको छ ।
Publish on: Aug 14, 2018
तपाईं फेसबुक, युट्युव मार्फत् पनि हामीसंग जोडिन सक्नुहुन्छ ।